Descrizione
Su 14 de aprile 2018 ant a èssere premiatos sos poetas
e sos fotografos chi ant bintzu sas editziones 2017
de su Premiu "Lùvula ti canto" e de su cuncursu "Màzines de poesia".
S'addoviu est de bortaedie, a sas 15:00,
in sa biblioteca cumonale de Lùvula.
Si cumìntzat chin sa premiatzione de sos pitzinnos.
A pustis de sos salutos de su sinnicu Mario Calia,
Bernardu Asprone at a fàchere un'ammentu de su poeta luvulesu Tanielle Tatti.
Si sìchit chin sa premiatzione de sos poetas e de sos fotografos.
Ant a faeddare sos de sas duas giurias:
Gianni Calia, Gonario Carta Brocca, Giovanni Carru, Dora Fois, Paolo Pillonca,
Maria Teresa Rosu, Domenico Ruiu e Anna Cristina Serra.
B'at a èssere Franco Siddi, cussizèri de amministratzione de sa RAI.
S'assessore de sa Cultura Pietro Pittalis coòrdinat sos arrejonos.